今日Boomber man揀兩場挪超同大家分析，老牌勁旅華拉倫加雖然近三場比賽未贏過，但今場面對榜首球隊費德列斯達仍要讓波，主W擺明有計。（周日凌晨2時05分開賽）
今季挪超形勢令唔少球迷大感意外，傳統勁旅洛辛堡、華拉倫加及上季冠軍白蘭恩經過半季賽事目前只排中游，反而費德列斯達呢支黑馬卻能高踞榜首，今晚佢作客硬撼華拉倫加，睇番兩隊近況，華拉倫加連盃賽在內已經連續三場未能法定時間之內贏波，反而費德列斯達近八場比賽只輸一場，首循環費德列斯達主場亦曾擊敗華拉倫加，無論狀態及往績都以客軍佔先，但從賠率顯示，今場主W低開至2倍，讓球盤為主隊讓平半，明顯有信心飛支持主隊，Boomber man決定睇飛撐主W。
白蘭恩食魚腩好滋味
另一場白蘭恩主場對咸卡，白蘭恩周中剛踢完歐聯外圍賽，休息時間比對手少，不過對手咸卡作客實在太差，今季八戰只得一和七負，係全挪超最差球隊，體力因素相信唔足以影響主隊三分，有信心甚至可捧埋「讓球主勝」。