西、意兩軍歷來交手次數唔少，大家都算係互有勝負，不過睇真，原來真正大賽交鋒，西班牙對上一次國際性大賽擊敗意大利，已經足足係八十八年前事，再加埋六月二十二日呢個比賽日子，素來又係對西班牙不利，今晚兩軍狹路相逢，西班牙想發威睇落唔易喎！
6．22魔咒例出局
雙方歷來交手二十七次，意大利只有九勝十和八負稍微佔優，不過如果真係扣除一熱身賽對碰，就會對西班牙不利，因為「鬥牛國」原來係熱身賽之王，至少近四次對住「藍衣軍團」就到兩勝兩和，反而國際賽就好耐未試過贏波滋味。
兩班波對上一次國際賽交手，就係九四世盃，當年意大利贏二比一；至於歐國盃決賽周就試過交手兩次，意大利分別到一勝一和；西班牙唯一一次大賽做低意大利，原來已經要倒數至一九二○年奧運會。
另一方面，六月二十二日都算係個不利「鬥牛國」日子，原來佢曾經八六世盃、九六歐國盃同○二世盃六月二十二日，接連射輸十二碼畀墨西哥、英格蘭同南韓，反而意大利呢日賽績就有一勝一負。如果你迷信話，呢個「二十二號魔咒」或者畀到你一投注玄機。
入波分布廣世盃有前科
22/06/2008
分組賽三場入三球，前鋒未開齋，意大利躉好擔心？實則係冇乜好擔心至真！睇番意大利○六世界盃決賽周入面，由分組賽到決賽踢七場波，總共先入得十二球，平均每場僅入一點七一球，仲要首席「士哥拿」只係入得兩球東尼同馬特拉斯，咪照樣捧盃。所以話，前鋒冇波入？使乜驚！
入得兩粒排第一
其實意大利本身周身刀、張張利，由後到前鋒個個識入波！唔係講笑，○六年世盃入面，唔計淘汰賽互射十二碼，佢總共入十二粒波，分別係自前鋒東尼同中堅馬特拉斯各兩球，前鋒伊亞昆達、恩沙基、迪比亞路、基拿甸奴、托迪、中場派路（左圖）、後森保達同格羅素各一粒，真係邊個埋門都得。
今屆賽事仲未開齋迪比亞路，日前分隊練習賽已經上演過一幕帽子戲法，佢話意軍上下都做好準備淘汰賽爭勝：「上場贏法國只係一個開始，我將會繼續進步落去，邁向冠軍。