16/07/2008
文： 關爺
本周中巴甲進行快車，唔少比賽都有開出「讓球盤」，而關爺亦決定集中研究呢個聯賽。其中尾場維多利亞主場對聖保羅，平手盤一定揀主隊。名牌球隊聖保羅近況唔算標青，作客表現又唔穩定，今場未必到分。反而維多利亞近期走勢不俗，平手盤應該可以坐和望贏。（周四早上8時45分開賽）
維多利亞上輪聯賽大意輸畀富明尼斯，但整體發揮唔算差。加上當時維多利亞要作客出戰，對佢影響都幾大。維多利亞一向主強客弱，主勝率更是巴甲最高球隊之一。睇番維多利亞對上一次主場比賽，對住保地花高仲輕鬆過練波，上半場已經遙遙領先對手四比一，最終以五比二大勝一場。既然維多利亞主場賽事有保證，聖保羅唔客場到分數，平手盤梗係捧維多利亞啦！
山度士紐迪高受讓好路
另外費古倫斯主場對山度士，主隊讓平半可捧下盤。山度士現時積分榜排行尾二，狀態及賽績都唔係咁好。不過佢近期大打爭氣波，連續逼和甘美奧及保地花高。而今次再度獲得受讓，追多一鋪亦無妨。最後波圖基沙對紐迪高讓平半，同樣對下盤較有信心。
波圖基沙聯賽三連敗表現轉差，前一仗對哥列迪巴仲慘吞四隻光蛋。主隊明顯冇季初咁銳，今場讓唔起紐迪高。