今個周末又有日乙玩，自從馬會開盤後，蘇豪一直吼實升班馬FC岐阜，呢隊波名氣唔大，經常有得受讓，絕對係隱形銀行隊。岐阜客場贏盤率近八成，實在非常犀利，今次作客草津溫泉，料可延續靚績，「讓球客勝」有計！（周六中午12時開賽）
岐阜今季升上日乙，隊中球員因為名不見經關係，所以季前被視為魚腩一族，佢主場十戰得六分，齋睇呢個績符合季前預測。不過，佢作客完全轉晒款，今季聯賽客場九戰五勝兩和兩負，排緊作客榜第二位，僅次於「一哥」廣島三箭，贏盤率近八成，絕對唔講得笑。
岐阜連續三場冇失波
草津溫泉方面，近排亦都晒火，已連續四場贏波，單計主場就三連勝，不過，先睇睇佢贏邊隊，原來對手只係榜尾三弱水戶蜀葵、熊本羅亞素同德島漩渦，呢幾隊波水準去到邊，大家應該心中有數。今次溫泉面對作客特醒岐阜，相信唔會好似對上幾場咁易食。
岐阜近排「守」出信心，已經連續三場冇失波，防線演出非常穩固，雖然草津溫泉射手高田保則狀態大勇，但今場面臨對手圍攻，未必有好多埋門機會。溫泉根本冇本錢讓波，「讓球客勝」捧得過！