諾高平係時候開齋
今日有兩場瑞典盃賽事，為大家揀選一條主客和二串一過關，有6.51倍回報。
頭關，諾高平對安高平。瑞超包尾諾高平聯賽主場至今都未開齋，而盃賽因兩圈都要作客關係，所以開季至今在正式賽事上主場都未贏過波，難得今仗遇到實力較弱的安高平，主場勢必殺無赦；而往績方面，兩隊近三次交手諾高平一勝兩負，但都係上季的事，升上瑞超後的諾高平引入了不少擁有瑞超經驗的球員，實力已今非昔比。位列瑞甲16的安高平，睇排名都知實力同狀態都唔好得去邊，而且近五仗共失12球，平均每場失球超過兩球，睇怕諾高平讓球-1主「W」實冇走雞。
哥登堡態沉難逃一敗
尾關，辛斯華爾對哥登堡。今季重返瑞超辛斯華爾現列聯賽12位，近六仗五勝一和，狀態大勇，上場對馬模主場雖打和0：0收場，但由於對手實力此終較高，表現已算不俗。而辛斯華爾不嬲都靠主場搶分，七戰兩勝三和兩負，只係開咧未站穩腳輸畀希爾星堡及「一哥」卡爾馬，主場表現亦算硬淨，今仗以其五勝一和表現，及後防連續三場不失球，主場晉級亦非難事。現列第六位的哥登堡，近七仗只曾一勝，狀態低迷，而聯賽作客更未開齋，今仗仲要作客情況下，難逃一敗。