皇馬贏波輸盤格
車路士能夠在連場比賽中保持不敗，球員質素固然重要，但領隊斯高拉利的領軍能力更加係車路士邁向成功的重要因素。斯高拉利從巴西到葡萄牙國家隊，帶隊能力之高唔使多講，佢嘅交際手腕同樣厲害，響今時今日的球壇，斯高拉利點解咁受歡迎，當然有原因。斯高拉利沒有曼聯領隊費格遜的恃老賣老，更沒有摩連奴的臭串，但斯高拉利同上述兩人都有同一特點，就係好信任球員，往往在重要時刻，給予球員無限的支持及信任，呢樣，就係提倡與球員保持距離的賓尼迪斯，始終未能突破曼聯、車路士和阿仙奴三雄更上一層樓的原因。
講返今晚比賽，西甲有場幾有份量的比賽，近況大勇的皇家馬德里主場對愛斯賓奴，贏波應該在意料之內，但初盤就要硬讓球半，分分鐘係贏波輸盤格。自揭幕戰敗於拉科魯尼亞後，皇家馬德里在緊接的聯賽及兩場歐冠盃賽事六連勝，其間攻入十九球，氣勢之勁無人能擋，但周中對罷聖彼德斯堡的硬仗，球員體能始終會有影響，尤其係雲尼斯達羅、雲達華特、洛賓等場場上陣的球員，狀態肯定有所回落。愛斯賓奴近況一般，三場不勝兼兩連敗，但近年對住皇家馬德里都唔係輸好多，往往一球上落，所以受讓球半博得過。
推介：皇家馬德里勝2:1